يا طول بال الغريب اللي ترك داره
يبا الرجوع وظروفه تمنعه يشكي
الوجه يضحك وكنه عاشق اسفاره
والصدق وده يصد شوي ثم يبكي
يمره الليل ويلومه على اعذاره
ويمره الصبح لا يشكي ولا يحكي
لا فاح صدره يطق برجله جداره
لين اليقين القليل يساوره شكِ
صدره مكان لحكاياته ولدياره
وعينه شبابيك ما تحبسه ينفكي
داخله دولة اعز احباب منهاره
اطلالها ذكريات وعنبر ومسكي
انا اشبهه مثل ما تشبهني اسراره
الا اني ارفض اصد شوي ثم ابكي
ليست هناك تعليقات:
إرسال تعليق