الشعر

بالغصب بالقوه تبي تصير شاعر الشعر ما يحتاج منك عضلات تحتاج قلب خصب واحساس ساحر وعقل يعرف شلون قطف العبارات وعز الطلب لا صرت بالحب عامر الحب ممكن تكتبه بالاشارات  اعزف شعور الناس لاصرت ماهر وانسج لهم من فلسفتك الحكايات وخلك سلاح الدار ضد التناحر وخلك سلاح الدار في رفع رايات  لا تشبه الا الغيث لا صار هامر ولا تنبت الا ورد والا ابتسامات في وقتها بتكون من جد شاعر ولا اطنك بتحتاج مني شهادات  الشعر حاله واول الليل عابر مير البلا باوسطه واخره بالذات الليل مسرح للشعر والتكاثر تسهل بداياته وتصعب نهايات وانا عسفت الشعر واصبحت قادر ولازلت اشوف اني معه فالبدايات

فـــــياف

كثير الكلام اللي مداه بحشاي افلاك

ترك هالصدور الخاليه قصد وامسى بي

عبر بي ووداني من اجواي يم اجواك 

وصار المدي في ناظري عشب وهضابي

جدار السكوت يحاول يزيد ما يخفاك

وانا اللي هقيتك يا بعد عمري ادرى بي

زعلك القديم ابطى وهو مستحل رضاك

وانا اللي لبست العذر واهديتك اعصابي

حبيبي ندهتك وانت عندي يا كثر اشياك

وعاد الصدى غيــــمً تساقط على بابي

نبت في خفوقي بعد صدك وعي وادراك

ثمره السؤال اللي تعلق على اهدابي

سكون المكان يخاف ومعادياً طرياك

ولو ما طريتك غصب يطرونك اصحابي

رحلت وتركت الدرب للي يبيك اشواك

الم حكي عذالي تعب صمت احبابي

وش احتاج غير الصبح لا داعب الشباك 

رسم نوره ظلالي على صفحة كتابي

قليل الكثير اللي تركته معاك هناك

وانا اللي بصدري حب لو غبت ماغابي

نواياك واحلامك مشت عكس من يبغاك

تمنيت وصلك مير هجرك تغدابي 

فياف الشعور المجدبه علّها من ماك

رياح الزعل تتعب وهي تطرق ثيابي

ليا شح وصلك كيف امانه يشح دواك

وانا جرح قلبي من سبايبك واسبابي

مليت اليدين اعذار وازهار فل وهاك

وزودٍ على الاعذار وازهاري اعجابي

زعلت وعرفت ان الزعل مستحل رضاك

وجيتك بحرّر باقي رضاك بعتابي