الثريا..

شب الحــطب واترك لنا باقي الليل نبي ظلامه يســـــتر اللي نقــــوله اجساد منهكها التعــب مالها حــــيل وقلوب مطلبها الســــهر والــبطوله على مكان من الصدر تركض الخيل ومركاضها زاد الحـــموله حــــموله وش ينتثر غير الصبر فالفـــــناجيل لا مالت رقاب الســهر والكــــهوله فلت شراع احلامنا ريحة الهــــيل وابحر شعورً ما خشى من عذوله يا غائبه خافي احاسيـــسنا ســـيل يجرف مكان اسرارنا وبســـهوله وشلون ابخفيها وانا صدري النيل والغيم فوقي والمدد في هــــطوله لا شب برقه شب فالقــلب قنديل نوره كسر باب الالم من قـــــفوله مِر الغيــاب اللي بعد واحد ابريل خان الربيع ومد باقي فـصـــوله جفافه البارد لهــــيب المــــواويل الحــائره والخـــايفه والخـــجوله بَعد الثريا ما نبي نجمة سهـــيل ما كل دولــه تستحق اسم دولـــه اللي قدرنا ناخـــــذه فالتـــعاليل الصبح يرفض لا نجيه ونـــــنوله عسى بشاير خافقي فالمقابـــــيل لا راح جوله صبره يجيب جـــوله الصبح يفرق عند مثلي عن الليل لان الظــــــلام ثياب للي بــــقوله